有名自稱前高級督察的巴打於Lihkg討論區開po《我係前狗隊高級督察 狗隊部署你問我答》,引起熱烈討論,孰真孰假,自己判斷吧。

以下為原文:

我曾經係狗隊高級督察,唔好睇少我只爬到高級督察就收皮,我做過黑社會又做過popo仲拆過炸彈,可謂黑白通吃,照慣例先自貼委任證:

關於狗隊部署因為睇唔過眼連登仔成日當狗隊白癡,所以特登開個你問我答,等連登仔醒悟下原來自己比狗隊撚足兩個月,先解答D肯定會有人問既問題

Q: 怕唔怕示威者捉到狗隊既鬼?
A: 首先連登仔要搞清楚狗隊明知暴露鬼有壞處,對家文宣肯定會咬住唔放,但點解狗隊都仲要做呢? 好簡單,因為benefits > costs, 狗隊暴露得鬼,就係想示威者將心思分散係捉鬼,甚至內鬥,最理想係不費工夫就可以瓦解曬勇武派。至於D咩鬼既特徵更加係bullshit, 狗隊知道曬你地掌握左耳機同螢光棒,難道狗隊會冇對策? 下次出鬼就會轉辨認方式架啦,甚至可以利用舉旗/將暗號混入狗隊呼籲再透過大聲公講出等等,根本未怕過捉鬼,捉多D仲好,好快就內耗完。

Q: 鬼會唔會自認係狗隊?
A: 已經吩咐好鬼,如果有相當大信心唔會比記者影到樣或比人認出係狗,大可以係被問到係咪狗既時候答”我唔係狗”。否則可以用一D模稜兩可既答案例如”我邊忽似鬼呀”/”你點會覺得我係鬼”/”你先似鬼wor”等等黎蒙混過去。至於委任證更加係笑話,所有軍裝都唔會帶證,你唔係覺得會係鬼到搜到委任證下wa?

Q: 機場會唔會武力清場?
A: 好多人覺得機場就係死穴,其實不然,真正死穴係遊客 & 記者。前者弊在可能會有強大民主國家i.e. 美帝既公民,若然傷到佢地恐怕狗隊上下就要成為共產黨既祭品了。後者弊在會將一切血腥場面發布出去,嚴重損害香港形象,狗隊儘量唔想擔當責任,不過並唔係怕香港政府,who gives a shit about Hong Kong government?
自然如果遊客冇曬,記者影唔到相就大可以血腥清場。

Q: 咁如果唔用武力可以點解決機場集會?
A: 連登仔覺得狗隊奈你地唔何,實在天真。狗隊早已經制定一系列方案
1. 慢慢作小規模拘捕: 你地咁多人肯定有大把人落單,狗隊就專揀遊蕩既人,甚至捕係廁所門口,唔用武力,唔比警告,一上黎就拉你然後迅速帶走,反正一般一個popo就可以震攝一百人。只怕示威者永遠一隊10-20人行動,咁就難以下手。
2. 狗隊知連登仔熱衷捉鬼,所以早已制定逆向捉鬼策略,即係派鬼混入,然後鬼喊捉鬼,4-5隻鬼圍住一個示威者指控佢係鬼,到時無論打佢一身或者拉比狗隊相信都唔會有人阻,只會有人掛住拍片歡呼。當稍為清醒既人醒覺點解捉到鬼係交比popo個陣已經太遲。只怕示威者完全清醒唔去捉鬼,甚至提防捉鬼既人,亦準備好任何時候係有人被送去狗隊個陣拉返返去。
3. 最血腥既做法,就係搵鬼使用高武力如燃燒彈襲擊禁區,屆時狗隊會馬上將整個集會定性為恐怖襲擊,只要定性左做恐怖襲擊,無論用咩武力都唔輪到民主國家出聲。如果示威者唔想咁,就委屈佢地要比機場popo更警覺,更努力保護機場安寧,反而機場popo寧願亂,因為班冚家剷早就想開槍,示威者唔想死就要拉住所有打算動用武力既人,係機場,只有鬼係唔怕勇武既後果 – 因為冇後果。
4. 最和平做法就係封曬成棟機場建築只允許可以出示職員證/機票既人進入,示威者被迫留係室外一黎熱,二黎分散方便拘捕。唯一缺口恐怕就係機場咁多出口難以封曬,但同時示威者亦難以突破有popo駐守既出入口。
上面已經有曬order唔會容許機場長久地亂,自己執生。唔好等popo用武力清場,更大機會係玩陰招。

Q: 點解call劉生返黎?
A: 除左因為劉生有D小聰明外,仲係因為劉生本身已經退休,唔愁晉升既佢係最好既擋箭牌 – 畢竟鄧生要確保就算他日有獨立調查委員會,自己都仲可以置身事外。

Q: 狗隊邊個掌實權?
A: 鄧生,咁梗係黑白通吃既人先升得快啦,我劉建明咪人版。

Q: 會唔會起訴721元朗白衣人?
A: 所以話連登仔天真,拉白衣人從來唔係想起訴佢地,而係一要保護佢地免於尋仇,二,更重要係封住佢地把口唔好比佢地爆大獲,所以先會拉埋D頭目級既人,而唔係連登仔話拉D卒仔充數。不過again係唔會起訴,除非中聯辦傾掂數。

Q: 狗隊有冇混入連登/TG group?
A: Are you fucking kidding me? 大大個委任證仲問? 另外基本上超過200人既tg group都有眼線,未必係現役popo, 可以係線人,退休popo, popo家屬等等。另外好多連登仔妄想加密就可以避免比popo睇到,已經唔止一次笑到IT popo claim工傷。

Q: 狗隊真係搵到過TATP?
A: 以我拆彈經驗睇根本就係靠嚇,冠TATP個名就係希望博眼球。估計下次搜到就會係黑火藥架啦,同樣曾被用係恐怖襲擊,quote返文匯報” 2013年美國波士頓馬拉松爆炸案,恐怖分子改裝廚房常用的壓力鍋,將黑火藥、鐵釘、滾珠軸承等放入壓力鍋,製作成殺傷力大的「壓力鍋炸彈」,導致三人死、一百七十多人受傷。”

Q: 狗隊其實有冇弱點?
A: 狗隊天不怕地不怕就怕一被取代,不過暫時武警同志幾幫得手,大大分擔狗隊workload, 所以未有怨言。二怕休班個陣被一小隊示威者係冇事先係網上吹雞既情況下快閃襲擊,真係防不勝防。不過狗隊會儘量透過CCTV, 現場/受害者身上遺漏皮屑/汗 & 口水等體液/衣物纖維/鞋印/指模/毛髮等黎破案,相信唔難,最怕一連一百幾十單,到時有證據都冇人手。

Q: 狗隊係咪政府最後防線?
A: 冇錯,共產黨其實好怕出解放軍會被美帝有位入,所以先寧願派武警混入。狗隊一旦崩潰政府就得返黑社會可以守護政府了。

Q: 狗隊會唔會靠犧牲自己友妄圖扭轉民意?
A: 一切听从党的指挥!

 

https://lihkg.com/thread/1460251/page/1

Loading...