【激凸蜜桃胸】陳庭欣港女格畀網民鬧爆

陳庭欣化身港女空姐,雖然個Look好煞食,但個格就畀網民鬧爆喇!

無綫劇《迷》即將首播,劇集雲集視帝鄭嘉穎、視后田蕊妮同「仙氣女神」簡淑兒等人,真係未播出已經話題十足!為咗宣傳劇集,劇組仲派出32.5C「蜜桃胸」陳庭欣(Toby)拍片,一班宅男自然未睇先Like,不過又唔好Like得咁快住,皆因Toby喺片中要化身港女空姐呀!

「Big」爆裇衫

近日「myTV SUPER」Facebook專頁上載咗一段片,片中Toby以空姐Look登場,打扮密密實實,以為冇咩睇頭?望真啲就見到「蜜桃胸」「Big」爆件衫,加上黑絲誘惑,真係引死人,睇到一班宅男噴晒鼻血?!之不過下一秒Toby就原形畢露,講明自己要釣金龜過少奶奶生活,仲話搵到要即刻辭職Mark實對方,真係成個「港女格」出晒嚟,OH NO!

睇唔起金剛吳業坤

話明係港女,講嘢梗係似ABC咁中英夾雜,先顯得自己高學歷(好似係),Toby亦大講港女金句!其中佢就睇唔起劇中窮到燶嘅金剛,狠批對方「連All-day breakfast同茶餐廳常餐都唔識分,要我點同佢Interact呀」,又嫌棄吳業坤收入唔高,仲話:「月入得個幾千銀,點夠我買慈姑手袋!」

本性係咁?

左揀右揀嘅Toby終於搵到個「筍盤」鄭嘉穎,見對方坐頭等客艙即時「心心眼」,仲大讚佢「型型型型型」,現實到呢!點知,Toby之後知道嘉穎搵得唔多,仲要唔係揸名貴房車,即刻撇甩人再搵金龜,搞到一班感同身受嘅網友睇到把幾火,完全將怒火發洩喺Toby身上,仲鬧爆佢港女:「啲嘴臉乞人憎到呢!」亦有網友大讚Toby演技好好,完全演繹到港女角色,仲笑言佢本性係咁先演得咁好!計小編話齋,既然大家咁投入,到時坐定定睇《迷》煲劇仲好啦!

網民有話兒:

XXXJiang1004:本色演出?陳庭欣好似唔小心講晒心底話喎!
HenXXkwong:用jm tone好搞笑,好正。
李世X:啲嘴臉黑(乞)人憎到呢……真係好港女救命!
XXCandyXX:OMG囉!睇完真係唔知講乜好囉,Seriously!

Loading...